इटहरी : इटहरी उपमहानगरपालिका–९ कोशी लोकमार्गमा भएको सवारी दुर्घटनामा एक पैदलयात्रीको मृत्यु भएको छ। बुधवार बेलुका करिब ७ः२० बजेतिर इटहरीबाट विराटनगरतर्फ जाँदै गरेको को २ च ८६३ नम्बरको स्कारपियोले बाटो काट्दै गरेका पैदलयात्रीलाई ठक्कर दिएको हो ।ठक्करबाट विराटनगर–१२ का अच्युतप्रसाद बरालको मृत्यु भएको हो ।
गम्भीर घाइते भएका उनीलाई इटहरी अस्पतालमा प्रारम्भिक उपचारपछि थप उपचारका लागि बीपी कोइराला स्वास्थ्य विज्ञान प्रतिष्ठान धरान पठाइएको थियो ।
उपचारका क्रममा साँझ करिब राति ९ बजेतिर मृत्यु भएको प्रहरीले जनाएको छ ।
दुर्घटनामा संलग्न स्कारपियो र चालक मोरङ सुन्दरहरैंचा–८ निवासी २२ वर्षीय संजय सग्रौलालाई प्रहरीले नियन्त्रणमा लिएको छ ।
मृतकको शव अहिले बीपी प्रतिष्ठानमा राखिएको छ । घटनाबारे थप अनुसन्धान भइरहेको प्रहरीको भनाइ छ ।
